Kocap nguni ring Gunung Agung, Ida Sang Hyang Parama Kawi madue rarincikan pacang ngaryanang danu. Danune mangda kearsayang mangdane kekaryanin ring pradesa Kedisan Tegellalang. Santukkan wenten Arsa asapunika, Rarris Ida ngerauhin panjak Idane marupa wong samar sane wenten ring sejebagan jagat Bali Pulinane. disampunne sami pada siaga, sregep tangkil, raris Ida Sang Hyang Parama Kawi ngandika asapuniki :"Ih kita wong samar sadaya: "Ingsun ngutus apang wit benjang ngaryanin Danu ring pradesa Kedisan. Tatujon ngaryanin Danune punika tuara ja ada len, apang panjak manirane ring Gunung tuara kakeringan. Lenan teken ento, tatujon manirane apang adapalung toya ring gunung tur riwekas prasida panjak gelahe sane ada ring kulon, wentan, kidal miwah ring loor maan tritisanne anggene noyaningsakaluwiring tatanduran, anggen ajengan miwah mebersih". inggih asapunika pawarah Ida Sang Hyang Parama Kawi.
